Materi menika saged dipunwucalaken kangge pembelajaran daring basa Jawi ing pandemi Covid-19 menika.
MUGI MUMPANGATI TUMPRAP KULA LAN PANJENENGAN SAMI
Nuwun....
LEGENDA
A. Wedharan Materi
Legenda yaiku crita utawa dongeng kedadeyan alam utawa
panggenan.
Legenda ana kang sipate fiksi (crita khayalane manungsa) uga
ana kang asipat nonfiksi (crita nyata/apa anane)
Lagendha iku
klebu sastra gancaran. Gancaran iku karangan sing ora kaiket gatra. Wilangan, lan guru lagu. Sastra gancaran iku
dumadine saka perangan sing ndhapuk
crita utawa unsur instrinsik. Dene unsur
instrinsik lagendha yaiku:
1.
Undheran utawa tema yaiku bakubing cerita
2.
Paraga yaiku tokoh utawa sapa sing dicritakake. Paraga
bisa arupa manungsa, kewan, utawa tetuwuhan. Paraga iku bisa dadi paraga
protagonis utawa
antagonis. Paraga protagonis yaiku paraga sing pakartine utama. Manut
aten-atene sing maca (lumrahe apik) Paraga antagonis yaiku paraga sing pakartine
ala, tansah cengkah karo aten-atene sing maca, cethane kosok baline karo aten-atene sing maca, kosok baline karo tumindak becik.
3.
Alur yaiku urut-urutane kedadeyan sing ana ing crita. Ana alur maju,
ana alur mundur, lan ana alur
campuran.
4.
Latar yaiku samubarang kang nggambarake papan, wektu,
lan kaanan ing crita. Latar iku bisa kabedakake dadi latar wektu, panggonan,
lan kaanan. Latar panggonan yaiku samubarang sing nggambarake papan kedadeyan crita. Ana sing
disebutake kanthi langsung, ana uga sing nggathuk-nggathukake dhewe utawa ora langsung,
latar wektu yaiku wektu sing
nggambarake kedadeyan
iku dumadi. Ana wektu gumathok (jam, dina, sasi lan sapanunggalane) sarta ana
wektu kang ora gumathok
(dhek semana, biyen, besuk).
5.
Liding crita utawa amanat yaiku pepeling sing ana ing
crita utawa patuladhan sing bisa kajupuk saka crita kasebut.
Tuladha:
-
Mula
bukane Pasar Penthungan
-
Mula bukane Rembang
-
Dumadine Gunung Tangkuban Prau
-
Mula Bukane Banyuwangi
-
Mula bukane Surabaya
-
Dumadine Bendhe Becak Lasem
B. Wacanen legendha iki !
RIMBA PASUCEN
Obyek
wisata menika manggen wonten ing dhusun pasucen, kecamatan Gunem, kirang
langkung 30 Km saking kitha Rembang, tuwin kirang langkung 7 Km sisih wetanipun
wana Mantingan. Kangge tumuju wonten papan menika kedah liwat Bulu awit dereng
wonten alat transportasi ingkang sumadya saking tlatah Gunem.
Obyek wisata menika ngandhut biji sejarah,
kanthi dipunganepi wontenipun guwa ingkang cacahipun tiga, inggih menika guwa
Pajangan, guwa Joglo, lan guwa Jogong.
Miturut
cariyos wingi uni, rikala Blancak Ngilo dipungudag Sunan Bonang, mlajeng ing
wana menika. Blancak Ngilo iri amargi santrinipun Sunan Bonang kathah sanget
lan para santri menika percados sanget piwucalan-piwucalan arupi syariat agami
Islam ingkang dipunwucalaken dening
Sunan Bonang. Pangangkahipun Blancak Ngilo kepengin merjaya Sunan Bonang, lan
para pendherekipun Sunan Bonang purun dherek piyambakipun.
Sunan
Bonang rumaos nyawanipun kaancam, pramila ngupaya mbela dhiri. Blancak Ngilo
dipungudag lan mlajeng dumugi ing salah satunggaling wana menika. Blancak Ngilo
ndhelik ing salebeting guwa ing wana menika.
Miturut carios, Sunan Bonang anggenipun nggudag
Blancak Ngilo sanget sayahipun, pramila ngaso rumiyin. Rikala nembe ngaso,
Sunan Bonang nancepaken tongkat wonten ing siti caketipun anggenipun
lelenggahan, ndilalah medal toya ingkang resik sanget.
C. Pitakon ing ngisor iki wangsulana kanthi
patitis nganggo basa krama!
1.
Rimba Pasucen dumunung ing ngendi?
Wangsulan: ….......................................................................................................
2.
Ing rimba Pasucen ana apa wae?
Wangsulan: ….......................................................................................................
3.
Apa sebabe Blancak Ngilo mungsuhi Sunan Bonang?
Wangsulan: ….......................................................................................................
4.
Apa ing
Rimba Pasucen bisa ditemoni sumber banyu resik?
Wangsulan: ….......................................................................................................
5.
Apa tujuane Sunan Bonang nancepake tongkat ing
lemah?
Wangsulan:………………………………………………………………………………
D. Golekana tegese tembung iki !
1.
rimba :
.....................................................
2.
kirang langkung :
.....................................................
3.
sumadya :
.....................................................
4.
tlatah :
.....................................................
5.
piwucalan :
.....................................................
6.
merjaya :
.....................................................
7.
pandherekipun :
.....................................................
8.
mlajeng :
.....................................................
9.
caketipun :
.....................................................
10.
toya :
.....................................................
Tidak ada komentar:
Posting Komentar